پولیس بھرتی میں پولیس کیساتھ ہوشیاری کرنیوالے نوجوان گرفتار

گجرات:پولیس بھرتی میں دوڑ ٹیسٹ میں نوسر بازی سے بغیر ٹیسٹ پاس کیے دوڑکوالیفائیڈ لائن میں شامل ہونے والا ملزم گرفتار۔
ڈی پی او گجرات سید غضنفر علی شاہ کی ہدایت پر مقدمہ درج۔
تفصیلات کے مطابق ائیرپورٹ گجرات میں دوڑ ٹیسٹ کا مرحلہ جاری ہے۔ امیدواران کا دوڑ ٹیسٹ جاری تھا۔ جس میں ایک امیدوارشیر علی ولد قیصر تنویرسکنہ دھول کلاں گجرات غلط راستے سے دوڑ کوالیفائیڈ لائن میں داخل ہو رہا تھا۔ تاکہ نوسربازی کر کے دوڑ ٹیسٹ پاس کر سکے موقع پر موجود پولیس ٹیم نے نظر آنے پر ملزم کو گرفتار کرلیا۔ جس کے خلاف تھانہ رحمانیہ میں مقدمہ درج کرلیا گیا ہے جبکہ گرفتار ملزم سے مزید تفتیش کی جاری ہے۔
ڈی آئی جی عمران احمر اور ڈی پی او گجرات سید غضنفر علی شاہ نے کہا ہے کہ بھرتی خالصتاً میرٹ پر کی جائے گی جعلسازی اور نوسربازی کے مرتکب امیدوار ان کے خلاف سخت قانونی کاروائی عمل میں لائی جائے گی۔