نیوزی لینڈ کرکٹ بورڈ نے پاکستان کے خلاف ون ڈے سیریز کیلئے ٹیم کا اعلان کردیا جبکہ نیوزی لینڈ کی جانب سے ٹیسٹ اسکواڈ کا اعلان پہلے ہی کیا جاچکا ہے تاہم اب ون ڈے سیریز کے لیے نیوزی لینڈ کے حتمی اسکواڈ کا بھی اعلان کردیا گیا ہے
نیوزی لینڈ ٹیم کے ون ڈے اسکواڈ کی قیادت کین ویلیم سن کریں گے، جب کہ دیگر کھلاڑیوں میں ٹوم لیتھم، فن ایلن، مائیکل بریسویل، ڈیون کونوے، لوکی فرگوسن، میٹ ہینری، ایڈم ملنے، ڈیرل مچل، ہینری نکولس، گرین فلپس، مچل سینٹنر، ہینری شیپلے، اش سودھی اور ٹم ساؤتھی شامل ہیں۔
پاکستان اور نیوزی لینڈ کے درمیان ون ڈے میچز 10، 12 اور 14 جنوری کو کراچی میں ہوں گے۔
ون ڈے سیریز سے پہلے ٹیسٹ سیریز ہوگی جس کا پہلا میچ کراچی میں 26 دسمبر سے شروع ہوگا۔
