کڑیانوالہ(شمشاد چوہدری)ٹانڈہ روڈ قاضی چک چوک نئے سال کے تین دنوں میں دو خوفناک ٹریفک حادثات ایک نوجوان جاں بحق جبکہ معتدد افراد شدید زخمی ہوگئے
ٹانڈہ روڈ قاضی چک پر حادثات معمول بن گیا گزشتہ چند ماہ میں اس روڈ پر درجنوں افراد تیز رفتاری کے باعث حادثات میں اپنی جان گنوا بیٹھے ہیں سال نوکے آغاز پر گزشتہ رات دو موٹر سائیکل سواروں کے درمیان تیز رفتاری اور دھند کے باعث تصادم ہوا جس کے نتیجہ میں بارو کا رہائشی نوجوان حافظ قرآن مجید وقار مہدی جسے سر میں شدید چوٹیں آئیں تھیں آج صبح زخموں کی تاب نہ لاتے ہوئے جان کی بازی ہار گیا جبکہ دوسرا نوجوان ناصر محمود ساکن بڑیلہ شریف شدید زخمی ہے
آج اسی مقام پر تیز رفتار کار اور موٹر سائیکل میں خوفناک تصادم ہوا جس کے نتیجہ میں موضع ہنج دھونجک کا رہائشی ظفر اقبال شدید زخمی ہو گیا ابتدائی رپورٹ کے مطابق ظفر اقبال کی ایک ٹانگ ٹوٹ گئی ہے دونوں حادثات کے زخمیوں کو 1122 کڑیانوالہ نے فوری طبی امداد کیلئے ڈسٹرکٹ ہیڈ کوارٹر ہسپتال گجرات منتقل کردیا گیا ہے
ٹانڈہ روڈ پر بڑھتے ہوئے حادثات کی روک تھام کے لئے جہاں محکمہ ہائی وے پنجاب کو اس چوک میں سپیڈ بریکر لگانے کی ضرورت ہے وہاں نوجوان موٹرسائیکل سواروں کو تیز رفتاری سے بھچنے اور سر پر ہلمٹ کے استعمال کو یقینی بنانا ہو گا ورنہ اسی طرح کسی گھر کاچراغ گل ہوتا رہے گا ۔
