کچہری میں پیشی پر آنے والوں پر مخالفین کی فائرنگ 3افراد قتل جبکہ 5 زخمی ایک کی حالت تشویشناک واقعہ سندھانوالہ میں دیرینہ دشمنی کاشاخسانہ ہے تفصیلات کے مطابق پھالیہ کچہری میں سابقہ مقدمہ کی پیشی پر آئے افراد پر مخالف گروپ نے اندھا دھند فائرنگ کر دی جس کے نتیجہ میں تین افراد موقع پر قتل جبکہ پانچ شدید زخمی ہوگئے , قتل ہونے والوں میں سکندر گجر، فیصل ،اسدظفر شامل ہیں جبکہ نزیر نواز ، شفقت سلطان ، قاسم خضر ،امجد ,اور جاوید ولد خان محمد شدید زخمی ہوگئے ہیں
قبل ازیں اکرم گروپ اور غوث گروپ کے مابین دشمنی کے نتیجہ مختلف جھڑپوں میں کل11 افراد قتل ہوچکے تھے جبکہ آ ج کے وقوعہ کے بعد مقتولین کی تعداد 14ہوگئی ہے جبکہ مختلف واقعات میں درجن سے زائد افراد زخمی بھی ہوئے دیرینہ دشمنی زمین شاملات دیہہ پر قبضہ کے واقعہ سے شروع ہوئی تھی۔ فائرنگ کے واقعہ میں ملوث دو ملزمان کو پولیس نے موقع پر گرفتار کر لیا جبکہ متعدد فرار ہونے میں کامیاب ہو گئے ہیں ۔ پولیس نے ضلع بھر کی ناکہ بندی کرلی ہے جبکہ ملزمان کی گرفتاری کیلئے متوقع مقامات پر چھاپے مارے جا رہے ہیں
پھالیہ کچہری میں مخالفین کی فائرنگ سے 3افراد قتل
