پاکستان اور روس کےدرمیان سمندری راستے سے براہ راست کارگو سروس کا آغاز ہوگیا۔
اس سلسلے میں نجی کمپنی کے سی ای او کا کہنا ہے کہ سینٹ پیٹرزبرگ سے روانہ بحری جہاز 25 مئی کو کراچی پورٹ پہنچےگا، روسی کارگو صرف 18 دن میں پاکستانی بندرگاہ پہنچےگا، روس سے دوسرا جہاز 29 مئی کو کراچی پہنچےگا۔
سی ای اونجی کمپنی نے مزید بتایا کہ پاکستان پہنچنے والے جہاز بھارت، چین، افریقی ممالک کا ٹرانس شپمنٹ کارگو بھی لا رہے ہیں، ٹرانس شپمنٹ کارگو لانا اور لے جانا پاکستان کیلئے زرمبادلہ کمانے کا ذریعہ ہوگا، روس سے تجارتی ادائیگیاں چینی یوآن میں بھی کی جاسکیں گی۔
خیال رہے کہ پاکستان کی روس سے درآمدات 30 کروڑ ڈالر اور برآمدات 15 کروڑ ڈالر ہیں، پاکستان کی روس کو برآمدی صلاحیت 2.50 ارب ڈالر ہے۔
