پاکستان فٹ بال فیڈریشن (پی ایف ایف) نے نیشنل ویمن فٹ بال کلب چیمپئن شپ 2024 کے شیڈول کا اعلان کر دیا۔
ابتدائی مرحلے میں ایونٹ 4 شہروں لاہور، اسلام آباد، کراچی اور کوئٹہ میں 21 جولائی سے 26 جولائی تک ہوگا۔
لاہور لیگ میں 3 ٹیمیں ٹی ڈبلیو کے ایف سی، ریل لاہور ڈبلیو ایف سی اور ینگ رائزنگ اسٹارز ایف سی مدمقابل ہوں گی۔
اسلام آباد لیگ کی 6 ٹیمیوں کو دو گروپوں میں تقسیم کیا گیا ہے۔ گروپ اے: لیگیسی ڈبلیو ایف سی، گلگت ڈبلیو ایف سی، اسمرفس ڈبلیو ایف سی۔ گروپ بی: ہائی لینڈرز ڈبلیو ایف سی، اسٹرائیکرز ڈبلیو ایف سی، نوانشیر یونائیٹڈ ایف سی۔
کوئٹہ لیگ میں 4 ٹیمیں مدمقابل ہوں گی، بلوچستان ڈبلیو ایف سی، کوئٹہ ویمن ایف سی، ہزارہ کوئٹہ ویمن ایف سی، ہزارہ یونائیٹڈ ایف سی شامل ہیں۔
کراچی 13 ٹیموں کی میزبانی کرے گا، جنہیں 4 گروپوں میں تقسیم کیا گیا ہے، گروپ اے میں کراچی یونائیٹڈ ایف سی، ایم یو کے ڈبلیو ایف سی، ینگ مسلم ایف سی شامل ہیں۔
گروپ بی: کراچی سٹی ڈبلیو ایف سی، محسن گیلانی ڈبلیو ایف سی، جہانگیر میموریل۔ گروپ سی: دیا ڈبلیو ایف سی، اوورسیز ڈبلیو ایف سی، بلوچ محمڈن ڈبلیو ایف سی جبکہ گروپ ڈی: جافا ڈبلیو ایف سی، کراچی ویمن ایف سی، شہید بینظیر بھٹو ڈبلیو ایف سی، ہزارہ گرلز ایف سی شامل ہیں۔
چیمپئن شپ کا فائنل راؤنڈ یکم سے 10 اگست 2024 تک اسلام آباد میں ہوگا جبکہ سیمی فائنل 8 اگست کو شیڈول ہے جبکہ فائنل 10 اگست کو جناح اسٹیڈیم اسلام آباد میں کھیلا جائے گا۔
