جنوبی بھارت کی تامل فلموں کے معروف اداکار دھنوش نے بدھ کو اپنے سوشل میڈیا ہینڈل پر تامل اداکارہ نین تارا سے جاری لڑائی کے دوران پہلی پوسٹ شیئر کردی۔
دھنوش نے انسٹاگرام پر اپنی آئندہ آنیوالی فلم این ای ای کے (نیلاوکو این مل ایناندی کوبم) کا ایک نیا پوسٹر ڈراپ کیا ہے۔
ساتھ ہی انھوں نے انکشاف کیا کہ اسکے دوسرے گانے کا عنوان کدھل فیل ہے، اس فلم کا پہلا گانا گولڈن اسپیرو اس سال کے اوائل مین ریلیز کیا گیا تھا۔
فلم این ای ای کے میں دھنوش کے علاوہ انیکا سوریندرن، پاووش، پریا پرکاش ویریری، میتھیو تھامس، وینکاٹیش مینن، رابعہ خاتون اور رمیا رنگانتھن اہم کردار ادا کریں گے، فلم کی ریلیز کی تاریخ کا ابھی تک اعلان نہیں ہوا ہے۔
واضح رہے کہ دھنوش اور نین تارا کے درمیان ایک ڈاکیومینٹری بعنوان نین تارا: بیونڈ دی فیری ٹیل، پر زور دار قانونی جنگ جاری ہے، جس میں الزامات کے ساتھ ساتھ ایک دوسرے کو قانونی نوٹسسز کا اجرا بھی کیا گیا ہے۔
